Հայտարարվել է հրդեհի բարդության «1 Բիս» կանչ․ ինչ է կատարվել Երևանի «Հոգեկան առողջության պահպանման ազգային կենտրոնում»


Հոկտեմբերի 24-ին, ժամը 11։33-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի «Հոգեկան առողջության պահպանման ազգային կենտրոն» ՓԲԸ-ի նկուղում։ Այս մասին հայտնում է ՀՀ ԱԻՆ-ը։

Հրդեհի բարդության «1 ԲԻՍ» կանչով դեպքի վայր են մեկնել ԱԻՆ ՓԾ Երևանի փրկարարական վարչության հրշեջ-փրկարարական ջոկատներից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի և Ճգնաժամային կառավարման ազգային կենտրոնի օպերատիվ խմբերը, Բժշկական ապահովման վարչության հեթապահ բժիշկը։
Փրկարարները տարահանել են 60 քաղաքացու։

Հրդեհը մեկուսացվել է ժամը 12։12-ին մարվել՝ 12։14-ին։ 40 քմ տարածքում այրվել է աղբ։

«Ես չգիտեի, որ էս երկիրը սիրելու եմ, ատելու ու նորից եմ սիրելու»․ Իրինա Այվազյան

Դերասանուհի Իրինա Այվազյանը նոր լուսանկար է հրապարակել` հետեւորդներին ու երկրպագուներին ներկայանալով հմայիչ ու ոճային կերպարում։

Ինստագրամյան էջում հրապարակված սեւ-սպիտակ լուսանկարում դերասանուհին կրում է մուգ երանգի վերարկու։ Նրա ուղիղ հարդարված մազերն արձակված են։ Երիտասարդ դերասանուհու կերպարն ամբողջական է դարձնում արեւային ակնոցը։ «Ես չգիտեի, որ էս երկիրը սիրելու եմ, ատելու ու նորից եմ սիրելու», — հրապարակումը մակագրել է նա։

Հիշեցնենք, որ օրերս հրապարակված լուսանկարում դերասանուհին կրում էր սեւ հանդերձանք։ Նրա մազերը հավաքված էին, նուրբ, բայց ընդգծված շպարով էր։ Հրապարակմանը կից նա գրել էր․ «…եւ մեզ մնաց ծուխը.. ոչ թե այրված ծաղիկների կամ ծխախոտի, այլ պատերազմների ու խնկի…»։

 

 

 

 

Մանո Գրիգորյանի եւ ամուսնու սիրառատ լուսանկարը

Պարուհի, դերասանուհի Մանո Գրիգորյանը, որն ընտանիքի հետ բնակվում է ԱՄՆ-ում, նոր ընտանեկան լուսանկար է հրապարակել։

Ինստագրամյան էջի Stories բաժնում, ուր ցանկացած ինֆորմացիա հասանելի է միայն 24 ժամ, ինչից հետո անհետանում է, հրապարակված կադրերում Մանոն կրում է կարմիր գույնի հանդերձանք․ տաբատ, բլուզ, բաց երանգի բարձրակրունկներ, իսկ ուսին գցել է կաթնագույն վերարկու։ Ընտանեկան կադրը նա չի մեկնաբանել։

«Մանկուց միշտ լսել եմ, որ տղամարդիկ ու կանայք շաատ տարբեր են: Հետաքրքոր է չէ։ Երբ տղամարդը խաբում է, ասում են՝ նա սրիկա է, իսկ երբ կինն է խաբում՝ խորամանկ կամ իմաստուն: Ամուսնալուծված տղամարդն ազատ է, իսկ ամուսնալուծված կինը՝ միայնակ: Տղամարդու երջանկությունը ՝ ես ուզում եմ, իսկ կնոջ երջանկությունը՝ նա ուզում է: Կանայք երազներ ունեն, տղամարդիկ ՝ ծրագրեր: Կանայք թաքցնում են իրենց տարիքը, տղամարդիկ՝ իրենց եկամուտը։ Տղամարդը սիրում է աչքերով, կինը ՝ ականջներով: Տղամարդու սրտի ճանապարհը անցնում է նրա ստամոքսով, իսկ կնոջ սիրտը `բուտիկով: Կանայք նիհարում են, տղամարդիկ ՝ մարզվում … Լաավ չեմ հասկանում մենք ընդհանրություններ չունե՞նք: Իհարկե ունենք …

Տարիների ընթացքում հասկացել եմ, որ մենք բոլորս փնտրում ենք մեր հոգու ընկերոջը և բոլորս էլ ցանկանում ենք լինել երջանիկ և հասկացված: Եվ թող ոմանք սիրեն իրենց աչքերով, իսկ ոմանք ՝ ականջներով, բայց երկուսի սիրո օրգանը սիրտն է։ Այնպես որ, սիրեք միմյանց անկախ ամեն ինչից»,- ավելի վաղ գրել էր նա։

«Նուրբ»․ Հասմիկ Խոջյանը՝ քնքուշ կերպարում

Դերասանուհի Հասմիկ Խոջյանը երկրպագուների ու հետեւորդների հետ կիսվել է նոր լուսանկարով, որում ներկայացել է աշնանային քնքուշ կերպարում։

Իր միկրոբլոգում հրապարակված կադրերում դերասանուհին կրում է կանաչ երանգի, ծաղկավոր պրինտով զգեստ։ Նա արձակել է մազերը, նվազագույն շպարով է։ Հրապարակմանը կից Հասմիկը հարց է ուղղել իր հետեւորդներին՝ գրելով․ «Սուրճ, թե՞ թեյ։ Օրինակ ես, երկուսն էլ սիրում եմ։ Բայց ավելի շատ՝ սուրճ, եթե թեյ, ապա այն պետք է լինի յուրահատուկ, օրինակ՝ թարմ մրգերով, կամ գրեչկայի։ նոր համեր եմ սիրում փորձել»։

Ավելի վաղ հրապարակված կադրերում երիտասարդ դերասանուհին ուսերի հատվածում բաց զգեստ էր կրում։ Հասմիկը հավաքել էր մազերն ու նախընտրել էր արտահայտիչ դիմահարդարում։ «Ես պատկանում եմ էն տեսակ մարդկանց թվին, ովքեր լիարժեք են բոլոր իրավիճակներում, այսինքն՝ երբեք հարսանիք չեմ գնում ջինսով, խանութ չեմ գնում «տան հագուստով»  և զբոսնելու չեմ գնում երեկոյան երկար «պոչիկով» հագուստով։ Միշտ եմ այսպիսին եղել՝ տեսակ է»,- գրել էր նա։