BioNTech ընկերությունն սկսել է քաղցկեղի դեմ պատվաստանյութի փորձարկումները մարդկանց վրա

Գերմանական BioNTech դեղագործական ընկերությունը մշակել է հատուկ դեղամիջոց, որը, ըստ գիտնականների նախնական գնահատումների, կարող է շատ օգտակար լինել քաղցկեղով հիվանդների համար: Այս պահին պատվաստանյութը փորձարկումների երկրորդ փուլում է. մեկ կամավոր արդեն իսկ ստացել է փորձարարական դեղանյութը:

Այժմ գիտնականները հետևում են կամավորի օրգանիզմի ցուցանիշներին՝ պարզելու համար, թե ինչ արդյունավետություն կցուցաբերի դեղամիջոցը մելանոմայի դեմ պայքարում: Հատկանշական է, որ հիվանդությունը զարգացման վերջին փուլերից մեկում է, սակայն միևնույն ժամանակ, կամավորը չի հրաժարվելու ավանդական քիմիաթերապիայից, իսկ պատվաստանյութը կիրառվելու է ավանդական բուժմանը զուգահեռ:

Ինչպես նշել են ընկերությունում, այս պատվաստանյութի օգնությամբ իրենք ցանկանում ենք օգտագործել իմունային համակարգի ուժը քաղցկեղի և վարակիչ հիվանդությունների դեմ: BioNTech-ի գիտնականներին արդեն հաջողվել է ցույց տալ մՌՆԹ-պատվաստանյութերի ներուժը COVID-19-ի դեմ պայքարում, իսկ քաղցկեղը ոչ պակաս վտանգավոր է, քան ներկայիս համավարակը:

«Ամենասիրուն ժպիտը». Իննա Խոջամիրյանի հմայիչ կերպարը

Դերասանուհի Իննա Խոջամիրյանը նոր լուսանկար է հրապարակել՝ ներկայացնելով իր ամառային կերպարը։

Ինստագրամյան էջում հրապարակված կադրերում դերասանուհին բաց գույնի հագուստ է կրում, որը համադրել է մարզակոշիկների հետ։ Իննան արձակել է մազերն ու գլխազարդ ընտրել։ Մեկնաբանություններում դերասանուհին նշել է, որ այդ կերպարով հանդես է գալիս «Բեկորներ» հեռուստաեսերիալում։ Հետեւորդները դրական խոսքեր են ուղղել նրան․ «Ամենասիրուն ժպտիը»։

Ավելի վաղ դերասանուհին նոր ֆոտոշարք էր ներկայացրել․ դերասանուհին ընտրել էր երկարաճիտներ, երկար վերարկու։ Նրա ալիքավոր մազերն արձակված էին, իսկ կերպարն ամբողջացրել էր արեւային ակնոցը։ Իննայի երկրպագուները բազմաթիվ հիացական մեկնաբանություններ էին գրել․ «Յուրահատուկ»,«թագուհի», «աննման», «ուրիշ ես», «ռումբ»։

 

 

«Նուրբ». Ադրիանա Գալստյանի լուսանկարը

Դերասանուհի Ադրիանա Գալստյանը նոր լուսանկար է հրապարակել, որում հմայիչ կերպարում է։

Ինստագրամյան էջում տեղադրված կադրերն արվել են գեղեցիկ բնապատկերի ֆոնին։ Ադրիանան ջինսե տաբատ է կրում, որը համադրել է ծաղկային պրինտով տոպի հետ։ Ադրիանան արձակել է մազերը, նախընտրել նվազագույն շպար։ Դերասանուհու ձեռքին դաշտային ծաղիկների փունջ է։ Հետեւորդները բազմաթիվ հաճոյախոսություններ են գրել նրան․ «Նուրբ»։

Օրերս հրապարակված կադրերում դերասանուհին բաց գույնի զգեստ էր կրում, որը համադրել էր բարձրակրունկների հետ։ Ադրիանան արձակել էր մազերը, նախընտրել նուրբ շպար։ Նրա ձեռքին ծաղկեփունջ էր։ Հետեւորդները գնահատել էին լուսանկարն ու նրան դրական խոսքեր գրել․ «Տարբերվող գեղեցկություն»։

«Կան օրեր, որոնք հավերժ մնում են հիշողության մեջ». Աննա Դովլաթյանի երեկոյան կերպարը

Դերասանուհի Աննա Դովլաթյանը նոր լուսանկար է հրապարակել, որում երեկոյան կերպարում է։

Իր միկրոբլոգում հրապարակված լուսանկարում երիտասարդ մայրիկը սպիտակ զգեստ է կրում, որը բաց է մեջքի հատվածում։ Աննան արձակել է մազերը, նախընտրել է արտահայտիչ դիմահարդարում, որն ընդգծել է նրա գեղեցկությունը։ «Կան օրեր, որոնք հավերժ մնում են հիշողության մեջ»,- մեկնաբանություններում գրել է նա։ Հետեւորդներն Աննային հաճոյախոսություններ են գրել։

Ավելի վաղ դերասանուհին ընտանեկան լուսանկար էր հրապարակել։ Կադրերում պատկերված էին Աննայի ամուսինը՝ դերասան Դավիթ Աղաջանյանը, ինչպես նաեւ նրանց դուստրը․ զույգը փոքրիկին տվել է Կարինա անունը։ Հետեւորդները գնահատել էին լուսանկարն ու բազմաթիվ դրական խոսքեր ուղղել ընտանիքին․ «Ձեր փոքրիկը պարզապես հրաշք է», «գեղեցկուհի», «Համով Կարինա»։

 

 

ԵԽԽՎ իրավական հարցերով կոմիտեն ընդունել է Ադրբեջանում քաղբանտարկյալների հարցով զեկույց

ԵԽԽՎ իրավական հարցերով կոմիտեն ընդունել է Ադրբեջանում քաղբանտարկյալների հարցով բանաձևի պահանջների կատարողականի զեկույցը, որում նշվում է, որ քաղբանտարկյալների խնդիրը Ադրբեջանում «ո՛չ ճանաչվել է, ո՛չ արժանացել է համարժեք արձագանքի, ոչ էլ առավել ևս լուծվել է»։ Այս մասին նշված է ԵԽԽՎ պաշտոնական կայքում:

Զեկույցի հեղինակ՝ իսլանդացի պատգամավոր Սուննա Էվարսդոտտիրը նշել է, որ բանաձևի դրույթների մեծ մասը «չի իրականացվել» իշխանությունների կողմից։

ԵԽԽՎ-ն դեռևս 2020 թ. հունվարի նստաշրջանին էր ընդունել Ադրբեջանի քաղբանտարկյալների հարցով իսլանդացի պատգամավորի զեկույցը։

Շոգին ի՞նչ պետք է անեն քրոնիկական հիվանդություններ ունեցող մարդիկ

Շոգը Երեւանում վտանգ է ներկայացնում առողջ մարդկանց համար, իսկ քրոնիկական հիվանդություններ ունեցող պացիենտների համար այն վտանգավոր է կրկնակի։

Եթե ձեզ ընդհանուր առմամբ առողջ մարդ եք համարում, մի քանի պարզ խորհուրդներ կօգնեն նվազեցնել անհարմարավետությունը շոգի ժամանակ։ Բայց ի՞նչ անել, եթե քրոնիկական հիվանդություններ ունեք։

Մասնագետների խոսքով՝ շոգն ամենամեծ սպառնալիք է ներկայացնում սիրտ-անոթային հիվանդություններ եւ հիպերտոնիա ունեցող մարդկանց համար։ Այդ պացիենտներին մասնագետները խորհուրդ են տալիս շոգին դուրս չգալ փողոց։ Բանն այն է, որ շոգին արյունը թանձրանում է, սրտի բեռնվածությունը՝ ավելանում։ Զարկերակային ճնշումը նման պայմաններում կարող է բարձրանալ, իսկ եթե մարդը հիպերտոնիկ է, այն կարող է հասնել վտանգավոր նիշերի։

Բացի այդ, սիրտ-անոթային հիվանդություններ ունեցող մարդիկ, որպես կանոն, վատ են զգում շոգ եղանակին այտուցների ու օդի անբավարարության, սրտի վրա բարձր բեռնվածության պատճառով։

Քրոնիկական հիվանդություններ ունեցող մարդկանց նաեւ խորհուրդ է տրվում բավականաչափ ջուր խմել օրվա ընթացքում, եթե, իհարկե, դրա համար լուրջ հակացուցումներ չկան։

Խորհուրդ է տրվում նաեւ խոնավացնել օդը սենյակներում։ Ընդունված է համարել, որ ավելի հեշտ է շնչել խոնավ օդը, հատկապես թոքերի հիվանդություններ ունեցող մարդկանց համար։

Խորհրդակցեք ձեր բուժող բժշկի հետ այն մասին, թե արդյոք անհրաժեշտ չէ փոխել մշտապես օգտագործվող դեղամիջոցների չափաբաժինները։

Եթե օգտագործում եք դեղամիջոցներ, որոնք ազդում են ջերմակարգավորման եւ օրգանիզմում հեղուկի հավասարակշռության վրա, քննարկեք ձեր բուժող բժշկի հետ՝ չկա՞ արդյոք անհրաժեշտություն շոգ եղանակին անցնելու այլ դեղամիջոցների կամ փոխել չափաբաժինները։

Փաշինյանը պատվիրակություն է ուղարկում Մոսկվա՝ բանակցելու ռուսական ռազմակայանի տեղակայման համար

Վարչապետի պաշտոնակատար Նիկոլ Փաշինյանը պատվիրակություն Ռուսաստանի Դաշնություն գործուղելու մասին որոշում է ընդունել:

Որոշման մեջ ասվում է. «Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը`

1. Հայաստանի Հանրապետության տարածքում ռուսաստանյան ռազմակայանի տեղակայման և գործառնման նպատակով հողատարածքների և անշարժ գույքի փոխանցման հայ-ռուսական միջպետական հանձնաժողովի 13-րդ նիստին մասնակցելու նպատակով 2021 թվականի հունիսի 26-ից մինչև հուլիսի 1-ը Ռուսաստանի Դաշնություն (Մոսկվա) գործուղել պատվիրակություն` համաձայն հավելվածի:

2. Պատվիրակության անդամների` Ռուսաստանի Դաշնություն (Մոսկվա) գործուղման ծախսերը և COVID-19 ՊՇՌ նմուշառումների վճարները կատարել`

1) Արմեն Ավետիսյանինը, Սերգեյ Աբրահամյանինը, Տիգրան Ղարիբյանինը, Գեղամ Սարգսյանինը, Արսեն Պապյանինը, Արամ Պողոսյանինը, Սերգեյ Պետրոսյանինը, Վահե Պետրոսյանինը, Լուսինե Հարությունյանինը, Անաիդա Ալմազյանինը՝ Հայաստանի Հանրապետության պաշտպանության նախարարության միջոցների հաշվին.

2) Աստղիկ Բալդրյանինը՝ Հայաստանի Հանրապետության արտաքին գործերի նախարարության միջոցների հաշվին.

3) Խորեն Գասպարյանինը, Գևորգ Մանուկյանինը՝ Հայաստանի Հանրապետության կադաստրի կոմիտեի 2021 թվականի բյուջեի նախահաշվով նախատեսված միջոցների հաշվին.

4) Գոռ Աղաբաբյանինը՝ Հայաստանի Հանրապետության 2021 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Հայաստանի Հանրապետության պաշտպանության նախարարի պաշտոնակատարին՝ ապահովել գործուղումից վերադառնալուց հետո եռօրյա ժամկետում պատվիրակության՝ Ռուսաստանի Դաշնություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը:

Բնական. Սոնա Ռուբենյանն՝ առանց շպարի

Երգչուհի Սոնա Ռուբենյանը նոր լուսանկար է հրապարակել՝ ներկայացնելով իր բնական կերպարը։

Ինստագրամյան էջի Stories բաժնում, ուր ցանկացած տեղեկատվություն հասանելի է միայն 24 ժամ, ինչից հետո անհետանում է, հրապարակված կադրերում Սոնան վանդակավոր հագուստ է կրում։ Սոնան հավաքել է մազերն ու ցույց տվել բնական գեղեցկությունը։ Կերպարն ամբողջացրել են վզնոցները։

Օրերս հրապարակված լուսանկարում Սոնան նստած էր ձիու վրա։ Երգչուհին սեւ հագուստ էր կրում, որը համադրել էր սպիտակ մարզակոշիկի հետ։ Սոնան արձակել էր մազերն ու արեւային ակնոց ընտրել։ Հետեւորդները նրան դրական խոսքեր էին գրել․ «Սիրուն»։

 

 

Ի՞նչ հիվանդությունների մասին կարող է վկայել բերանի հոտը

Բերանի տհաճ հոտը կարող է մատնանշել մի ամբողջ շարք հիվանդությունների մասին։

Ինչպես տեղեկացնում է focus.de-ն, բերանի հոտը դեպքերի 15 տոկոսի ժամանակ կարող է լինել լյարդի, երիկամների, ստամոքսի հիվանդությունների եւ անգամ դիաբետի ախտանշան։ Բայց ավելի հաճախ այդ հոտի պատճառ կարող են լինել մանրէները եւ մետաբոլիզմին մասնակցող նյութերը։

Մասնագետների խոսքով՝ տհաճ հոտը կարող է պայմանավորվել լեզվի կամ ատամների վրա փառի գոյացմամբ, ինչպես նաեւ պարոդոնտիտով (ատամի շուրջ հյուսվածքների բորբոքում)։ Ծխելը եւ բերանի չորությունը կարող են դառնալ տհաճ հոտի պատճառ։

Տհաճ հոտից ազատվելու համար մասնագետները խորհուրդ են տալիս օրը առնվազն երկու անգամ լվանալ ատամները, իսկ ատամի խոզանակը փոխել ամիսը 2-3 անգամ։ Նաեւ չարժե խուսափել ատամնաթելերի օգտագործումից։

Բացի այդ, խորհուրդ է տրվում մաքրել լեզուն, ինչպես նաեւ բերանի խոռոչը եղեսպակի թրմով։ Խորհուրդ է տրվում նաեւ խմել ջուր եւ կանոնավորապես ստուգվել ատամնաբույժի մոտ, որպեսզի ժամանակին գտնեն ատամների խնդիրները եւ բուժեն դրանք։

Սուրճը կարող է նվազեցնել մահվան ռիսկը. հետազոտություն

Սուրճը կարող է նվազեցնել մահվան ռիսկը լյարդի քրոնիկ հիվանդություններից: Նման եզրակացութան են եկել  Սաութհեմփթոնի համալսարանի գիտնականները, հաղորդում է The Guardian-ը:

Նոր հետազոտության հեղինակները վերլուծել են 40-69 տարեկան 494 585 մարդու տվյալներ: Նրանց մեծ մասը խոստովանել է սուրճի սիրահար լինելու մեջ (384 818 մարդ), իսկ մյուսներն ասել են, որ խմիչք չեն օգտագործել (109 767 մարդ):

Մասնագետները գրեթե 11 տարի  ուսումնասիրել են մասնակիցների լյարդը եւ գրանցել լյարդի հիվանդության 3600 դեպք: Պարզվել է, որ քրոնիկ հիվանդությունների զարգացման ռիսկը մարդկանց մոտ, ովքեր շատ են սիրում սուրճ, 20 տոկոսով ցածր է, քան նրանց մոտ, ովքեր սուրճ չեն խմել: